Bərpa Olunan Enerji Mənbələri Dövlət Agentliyinin direktor müavini Kamran Hüseynov BMT-nin Asiya və Sakit okean üzrə İqtisadi və Sosial Komissiyasının (UNESCAP) və Avropa üzrə İqtisadi Komissiyasının (UNECE) dayanıqlı enerji üzrə mütəxəssisləri Anna Lobanova və İva Brkic ilə görüşüb.

Görüşdə yaşıl enerji sahəsində əməkdaşlıq perspektivləri, hidrogenin tətbiqi imkanları, dayanıqlı enerji sisteminin qurulması, şəbəkələrin inteqrasiyası, UNIDO təmiz şəhər layihəsi çərçivəsində əməkdaşlıq və digər məsələlər müzakirə olunub.